"Waxaa tidhaahdaa(Nabi Alloow] Salaadayda, Gawracayga, Noloshayda iyo Dhimashadaydaba waxaa iska leh Ilaaaha Caalamiinta " Al-Ancaam, 162.

Labadaa nas ee aan soo xusay waxay kala xambaarsanyihiin laba faham oo kala fog.
Kan Masiixiyadu wuxuu waafaqsanyahay Calmaaniyada -- oo ah kala soocista Diinta iyo Dawlada.

Markii ay Awoodii kala qaybsadeen Kaniisadii iyo Qaysar(Xaakimka), aakhirkii waxaa la borabixiyey Kaniisadii oo ay awoodeedii meesha ka baxday -- waxaa badashay Diin Cusub oo halkii kasii waday mabda'ii kala soocida. Diintaasi waa "Calmaaniyada" Casriga ah.
Waxaa sababay in awoodii Kaniisadu ay meesha ka baxdo kadib markii:
- ay Wadaadadii Masiixiyadu isu rogeen Kalitaliyayaal garma qaatayaal ah oo dadkii Diintii ku gumaystay dhinac kasta, waxayna diintii ka dhigteen silcad ay gataan.
- ay Aqoontii ama hal-abuurkii Cilmiga kasoo horjeesteen, ee ay fikirkii Aqoonyahanka cabudhiyeen, ee la shuraakoobeen Boqortooyinkii ay barakeynayeen.

Halkaa waxaa ka curtay Mabda' Ilaah diidka ee ku salaysan Caqliga & Dabiicada -- Calmaaniyada.

Islaamku se wuxuu u socdaa inuu dhiso nidaam dhamaystiran(الشمولية), oo Diin & Dawlad aan kala soocnayn. Mana ogola in qaybna loo gaaryeelo arimaha diinta/cibaadada qayb kalena loo carbuuno arimaha dawlada/siyaasada/nolosha.

Sow halkaa kamaynaan fahmin kala duwanaanshaha Calmaaniyada & Islaamka!

Mahadsanidin dhamaan.

Dr.Mustafa Kaydsane
30/May/2016

#la_soco_qaybaha_dambe